دەربارەی ئەندام :

پرۆفایلی ( محەمەد ڕەشید دارتاش )

پسپۆڕی : ژەنیاری ئامێری ئۆکۆردیۆن

  .رۆژی (٢٣ \ ٠١ \ ١٩٥٨) لە گاڕەکی ( گۆیژە ) ی شاری سلێمانی لە دایک بووە 

.خوێندنی سەرەتایی و ناوەندی و ئامادەیی پیشەسازی لە شاری سلێمانی تەواو کردوە

.لە سەرەتای ساڵی حەفتاکانی سەدەی ڕابردوو واتا لە تەمەنی ( ١٢ ) ساڵیدا تێکەڵ بە دنیای هونەری مۆسیقا بووە

  لە شاری سلێمانی لەگەڵ چەند هاوڕێ یەکی هونەرمەندی تریدا لە ناوەندی سەلاحەددینی کوڕاندا تیپێکی مۆسیقایان پێکهێناوە ، لە بۆنەکانی ئازارنەورۆزو دامەزراندنی یەکێتی قوتابیاندا چالاکیەکانیان نمایش کردوە 

.لە ( ٤\ ٠٢ \ ١٩٧٦) پەیوەندی بە تیپی مۆسیقای سلێمانیەوە کردوە 

 لە ساڵی (١٩٧٦- ١٩٧٩) ئەندامی تیپی مۆسیقای چالاکی قوتابخانەکان بووە کە مامۆستایان (خالید سەرکار) و خولێخوشبو (ولیەم یوحەنا) سەرپەرشتیان  ئەکرد و چەندین بەرهەمی ( گۆرانی ، مۆسیقا ، ئۆپەرێت، کۆراڵ)یان بەرهەم هێنا و ساڵانە لە ڤیستیڤاڵەکاندا لە سەرانسەری عێراقدا پلی یەکەمیان بەدەست هێناوە 

: لەدەرەوەی تیپی مۆسیقای سلێمانی ئەم کارە هونەریانەی ئەنجامداوە

١- ئامادەکردنی گۆرانی ( لەڕێی دڵداریدا ) کە دوا بەرهەمی هونەرمەندی خوالێخۆشبوو (قادر کابان ) ە ، لە ئاوازی هونەرمەندی خوالێخۆشبوو ( کەریم  کابان)ە لە مانگی ( ٧\١٩٨٠) 

٢- لە ساڵی (١٩٨٤) دا چەند بەرهەمێک بە ناوی کاسێتی گۆمەشین  لەگەڵ چەند هونەرمەندێکی تری مۆسیقیدا بۆ هوەنەرمەند ( ناسری ڕەزازی ) بەرهەم هێناوە ، بەڕێزان (گۆران،نەورۆز،فەرهاد ، جۆرج)

٣-  تۆمارکردنی چەند بەرهەمێک بۆ هونەرمەند ( تاهیری خەلیلی ) لە هەمان ساڵدا

٤- ئامادەکردنو تۆمارکردنی چەند بەرهەمێکی فۆلکلۆری بۆ هونەرمەندی میللی ( کەریم خەمزەیی)  

 لە دوای ڕاپەڕینی کوردستان لە بەڕێوەبەرێتی ڕۆشنبیری سلێمانی لەگەڵ هونەرمەندانی بەشی مۆسیقای بەڕێوەبەرێتی  جەندین بەرهەمی مۆسیقاو گۆرانی منداڵانیان بەرهەم هێناوە ، چەندین خولی فێربونی مۆسیقایان کردۆتەوە هەتا ساڵی (٢٠٠٠) 

یەکێکە لە دامەزرێنەرانی تیپی هونەری میللی سلێمانی سەر بە  بەڕێوەبەرێتی ڕۆشنبیری سلێمانی ، وەک ژەنیارێک بەشداری سەرجەم چالاکیەکانی ئەو تیپەی کردوە لە ساڵی (١٩٩٧ تا ٢٠٠٤)

ئامادەکردنی گۆرانی ( چاوێ هەڵبێنە ) بۆ هونەرمەندی گۆرانی بێژ ( ئەمەل  سەعید کوردە )، کە لە ئاوازی هونەرمەندی کۆچکردو ( حسێن جەمبوش) و هۆنراوەی ( شێخ ئەحمەد بەرزنجی ) ناسراو بە ( مەزڵوم )

ئامادەکردنی گۆرانی ( سنور ئارام بە )  بۆ هونەرمەندی گۆرانی بێژ ( ئەمەل  سەعید کوردە ) لە ئاوازو هۆنراوەی ( دلێر ئیبراهیم )  

 چەندین بابەتی هونەری گۆرانی و مۆسیقاو مێژوی مۆسیقای کوردی و سیاچەمانەی لە گۆڤاری خاک و شاکاری سلێمانی دا بڵاو کردۆتەوە